परळी (प्रतिनिधी) – मस्साजोगचे सरपंच कै. संतोष देशमुख, परळीचे महादेव मुंडे व परभणीचे सोमनाथ सूर्यवंशी यांना कॅन्डल मार्च काढून श्रद्धांजली अर्पण करण्यात येणार आहे.
परळी येथे बुधवार, दि. 5 मार्च 2025 रोजी सायंकाळी 6:00 वाजता जिजामाता उद्यानातील जिजाऊंच्या पुतळ्यास पुष्पहार अर्पण करून कॅन्डल मार्चला सुरुवात होईल. हा मार्च राणी लक्ष्मी टॉवर, मोंढा मार्केट, स्टेशन रोड, बस स्टॅंड मार्गे छत्रपती शिवाजी महाराज चौक येथे पोहोचेल. त्याठिकाणी सामूहिक श्रद्धांजली वाहण्यात येईल.
या कॅन्डल मार्च आणि श्रद्धांजली कार्यक्रमासाठी परळी शहर व तालुक्यातील सर्व नागरिक, महिला, पुरुष, युवक आणि ज्येष्ठांनी मोठ्या संख्येने उपस्थित राहावे, असे आवाहन सकल मराठा समाजाच्या वतीने करण्यात आले आहे.
